يا أمة تايهه ركزي
يا أمة تايهه في الطريق ركزي
لو بدل مانعمل وقفة واحتجاج
نروح نصنع لوح زجاج
صدقيني والله هاتنجزي
أزرعي قمح وأحصدي
علشان العيش تخبزي
صنعي يلا وصدري
علشان بين الأمم تتعززي
يا أمة تايهه في الطريق ركزي
في صحة وتعليم
علشان جيل جديد تفرزي
يعمروا سينا والعريش
يبنوا مينا وترسانة
قبل ما كل الطاقات تستنفزي
يا أمة تايهه في الطريق ركزي
يا أمة عشتي بتتوعدي
للمفكرين والعلماء
وبتهددي كل اللي بيجري
في عروقة الدماء
وبتبددي كل هدية
تجيلك من السماء
يا أمة ذاد فيها الوباء
إهتمينا بالموضة والكساء
ونسينا اللي بينام الليل
من غير غطا في العراء
يا أمة سالت علي ارضها الدماء
من كل لون
عادي ومعتدي
ومن ولادها شهداء
يا أمة في الجراءة أعظم مايكون
لية في التحضر بتستخدمي السكون
يا أمة اتخلط فيكي
الحابل علي النابل
وتاه وسط الزحام النبلاء
يا أمة ضحكت عليها الشعوب في الخفاء
يا أمة استيقظي بالله عليكي
من ثباتك
خلص الدمع في عيوني
من كتر البكاء
يا أمة ماعدش يجوزلها
غير التضرع للمولي والدعاء
Category:
0 التعليقات